رياضة

أول تصريح لمتولي بعد الحادث للي وقع ليه اليوم

حشومة واش غادي نقابل الكرة و لا بناتي… كانوا معايا بناتي من الآن فصاعدا ما باقيش يركبو معايا… اللي بغا يأذيني يبعد من بناتي هاد الشي ما كايقبل بيه لا الله و لا العبد…


السيارة ديالي صعيب يتفكو ليها البولونات…وهادي خدمة نقية ونتمنى يكونوا شمكارا و ماشي مقصودة …
درت شكاية و المعاينة غادي تبين كلشي… كنت غادي و الناس كتعيط ليا و أنا فالسيارة كينبهوني للرويضة … لحسن الحظ كنت فالدرب و غادي بالشوية حتى حبسات السيارة لوحدها بعد ما تحلات الرويضة… “
وتابع متولي” واش جينا نلعبو الكرة و لا نتحاربو و معم من هذا هو السؤال؟ كنتعرض للسب و الشتم فالطريق ماشي مشكل … وليت نحشم نخرج معايا بناتي لهاد السبب و ما كين مشكل لأنها داخلة فاللعب٬ لكن توصل لحد تهديد سلامتي و لا بناتي هاد الشي ماشي مقبول.


كنت محترف و كنحظى بتقدير كبير وجامي تعرضت لهاد التصرف و لا فكرت فيه… دابا واش قبل ما نسافر و لا نتحرك ضروري نقلب السيارة؟
بغيتك تطمن كاع الرجاويين أنا بخير و لله الحمد … معنويا متأثر لهاد السبب و الإصابة … جيت نبين اللي قالوا أن المش سالا أنه ماسالاش… كأس محمد السادس رجاوي باش ما بغاو … و فهاد اللحظة تمنيت لو كان البوصيري الله يرحمو باقي حي باش يشوف ولدو اللي افتر به و دافع عليه وآمن بيه…
نتمنى اللي قالوا سكايري و لا شارف يعتاذروا … هاد السشي اللي وصلت ليه خاص تفيق ليه بكري “
متولي غائب عن لقاءي الجيش و الإسماعيلي و احتمال ذهاب مازيمبي ما لم يتعافى وبدورنا نتمنى له الشفاء العاجل و ندين هذا التصرف و أي تشفي في التعاليق فإنه يعكس سفالة صاحبه و انعدام الوازع الديني قبل الخلقي في تربيته

تصريح خاص بالصحفي والناقد الرياضي منعم بلمقدم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى